Mange små i kø
Nye vaksinedosar mot svineinfluensa er på plass. Onsdag var over 1400 personar innom Brann stadion.
Då dørene opna like før klokka ni i dag tidleg, stod køen på Brann stadion til langt utanfor. Først klokka halv ti blei dei første svineinfluensavaksinene sett.
– Grunnen er kapasitetsproblem med å trekka opp vaksinen i sprøytene, seier informasjonsdirektør Robert Rastad i Bergen kommune.
Les også
I halv elleve-tida blei det derfor henta ekstra personell som kunne hjelpa til med opptrekkinga.
I tillegg til dei 1400 som har vore innom Stadion, har flere hundre fått vaksinen på Fyllingsdalen sykehjem.
Bergen kommune tok i går imot 13.000 nye vaksinedosar, og reknar med å få sett 4000 av desse i løpet av dagen.
Like før klokka tolv hadde køen på Brann stadion minka kraftig, men det blei framleis meldt om ei ventetid på to timar eller meir.
Les også
I den nye vaksineringsrunden blir også personar over 64 år som høyrer til risikogruppene prioritert, samt alle barn i alderen seks månader til tre år, inkludert ein føresett. I tillegg får alle husstandsmedlemmer til spedbarn under seks månader og gravide i første trimester tilbod om vaksinen.
– Ventetida er omtrent som forventa. Stemninga i køen er naturleg og avslappa, seier Alfred Stokke, som hadde venta i halvannan time klokka 11.
Relaterte bilder
MOTAR SEG OPP: – Eg skal ikkje grina, seier Erik (4, i midten) til barnehagekameraten Vegard (3, høgre) like før han skal inn og få vaksinen. Han held seg til pappa Erik Thoresen, og er heller skeptisk til det heile. I bakgrunnen følgjer fireåringen si mor Silje Østensen med, medan Henrikke (1,5) leiar pappa Frank Daltveit inn mot vaksinelokala.
MANGE SMÅ: Brann Stadion er invadert av småbarn som skal få svineinfluensavaksine. Like før klokka tolv hadde rundt 850 vore innom. På Fyllingsdalen sykehjem var talet 450 på same tidspunkt.FOTO: JO STRAUBE
