Farleg hat
Dersom ein ikkje har respekt for eit anna menneskes djupe sorg, kva har ein då respekt for, spør samfunnsredaktør Hilde Sandvik.
- Publisert: 23.jun.2009 06:00
- Oppdatert: 23.jun.2009 07:43
«JEG TAR NOEN DAGERS bloggpause nå. Jeg har nettopp mista
stebroren min, som jeg var så forferdelig glad i», skreiv SV-politikar Inga
Marte Thorkildsen på bloggen sin 15. mai. Sidan har ho vore utsett for
massivt hat og skadefryd på nettet. Grunn: Stebroren var funnen død etter at
ein danskpakistaner hadde kasta eit ølglas på han. Det, meiner
Norgespatriotene og dei anonyme vennene deira, er til pass til den
innvandringsvenlege SV-politikaren.
Ein skriv til henne som sørgjer: «Denne gangen fikk de rette personene smake
sin egen multikultur». Ein annan, også anonym, skriv: «Nå har også du fått
føle innvandringens forbannelse. Har du dårlig samvittighet. Du og det
forbannede innvandrerkåte partiet du representerer, er delaktige i drapet på
din stebror. En pakkisfaen drepte ham. Du er en landsforræder».
Dette innlegget blei sidan fjerna, men ein månad seinare haglar det framleis
inn klart rasistiske og hatefulle innlegg på bloggen, retta mot innvandrarar
generelt, muslimar, SV, og mot norske kvinner; «løse tøs».
DERSOM EIN IKKJE har respekt for eit anna menneskes djupe sorg, kva har
ein då respekt for? Å mangle empati er ein diagnose, og det er umogleg å
vite kva slags sjuke menneske det er som sit heime og kastar anonym sjikane
ut på nettet. Det er den blinde, rusa valden som kan gå i gang med å knuse
kjeven på eit menneske, fordi han eller ho tilfeldigvis står i vegen. Det er
det sinnet, som brått, og utan førevarsel kan eksplodere i andletet ditt,
som blir uttrykt i ord på nettet.
DET NORSKE SAMFUNNET har fått ein hardare himmel, skreiv kommentator i
Dagbladet, John Olav Egeland i vår. I kriminelle miljø aukar bruk av våpen.
Påfallande mange norske menn taklar ikkje skilsmisse. Når empatien forsvinn,
når folk heller ikkje bryr seg om å vere alminneleg høflege, blir det
farleg. Alle enkle løysingar som forsøk på å skilje folk i eit «oss» og eit
«dei», som vi finn på Thorkildsens blogg, gjer det endå farlegare. Det er
prøvd før.
I WEIMAR-REPUBLIKKENS siste år, gjekk den austerrikske journalisten
Joseph Roth rundt i Berlin og skildra det han såg. På ei bussferd gjennom
byen går passasjerane brått i strupen på kvarandre. Det plutselege flammande
hatet er uforklarleg. Roth noterer: «Ein buss full av hatske, kranglevorne
og aggressive passasjerer må før eller seinare kollidere».
Resten av historia er kjent.
Kommentarer
Diskuter: Farleg hat
Din kommentar
Søk i skattelistene Topplister
3 mest leste artikler »
-
Ble sendt hjem til søppelhaug
Alvorlig syk mann ble sendt hjem til dette huset. Sykehuset tar ikke selvkritikk.
-
Vestlandet på Google-kartet
Vestlandet er for alvor satt på Google-kartet. Se bildene her.
Siste lokalt
-
Innbrudd i Griegpark
Knuste seg inn i tre biler.
-
- Hvem satte fyr på seilbåten?
Eieren fortviler etter at tyver stjål seilbåt og satte fyr på den i helgen. .
-
Gravid kvinne i kollisjon
Smell i Åsane.
-
Sol og skyer holder «giftlokket» unna
- Denne uken blir ikke så ekstrem som i januar.
-
Avhoppere satser stort på Bryggen
Tre av byens finanstopper har gått sammen om nytt selskap. 13
På forsiden nå
- 16:44 Innbrudd i Griegpark
- 16:17 Branns sesongkortsvikt
- 16:16 - Hvem satte fyr på seilbåten?
- 15:14 30 døde i snøskred i Afghanistan
- 14:52 Gravid kvinne i kollisjon
- 14:12 Sol og skyer holder «giftlokket» unna
- 13:27 Avhoppere satser stort på Bryggen
- 13:12 Døde av overdose
- 12:35 Tilfeldig møte
- 12:18 Evakuert fra stanken
Siste Kommentarer
Diskuter: Farleg hat
Diskuter: Farleg hat
Diskuter: Farleg hat
Se alle innlegg