Den lyse aprildagen var i ferd med å mørkne då ein kremfarga Dodge Van svingte inn på rasteplassen ved Interstate 181 i Greeneville, Tennesse. Eit par med to små barn steig ut av bilen. Det var sundag 6. april 1997, og familien Lillelid var på veg heim.

Faren, Vidar (34), kom frå Ytre Sandviken i Bergen. Ein eventyrlysten mann, som emigrerte til USA i 1985. Han budde først i Miami, der han møtte Delfina (28) frå New Jersey, med røter i Honduras. Som Vidar var ho eit truande, dedikert medlem av Jehovas vitner. Dei gifta seg i 1989.