Litt bortgøymt, men med idyllisk plassering, ligg kunstverkstadene tett i tett på kaien, på USF. Ein torsdag i månaden har dei opne dører. Utanfor står kunsthandverk ein kan kjøpa, eller berre kikka på.
- Me vil verta meir synlege, for det er mange som ikkje veit om at me er her fortel billed,- og tekstilkunstnar Anne Knutsen. Difor har nokre av kunstnarane gått sammen om ein open dag, ein gong i månaden. Knutsen har verkstad og butikk over to etasjar. I naboverkstadane finn ein mellom anna produksjon av glass, klede, vesker og keramikk.
Byens særpreg
Knutsen er oppteken av at ikkje alle byar må bli like, og at ein må dyrke særpreget. - Det kan ikkje bli slik at me berre har H&M og Deli de Luca over alt. USF Verftet, og det kreative miljøet her, er ein stad som er unik for Bergen. Det vil me gjerne dele med andre.
Lag ein kopp
I tillegg til å vise og selje kunst, kan ein også vera med i delar av produksjonen. Hjå glassblåsar Beda Maria Johanson kan ein få blåse sitt eige glas, og hjå keramikar Sarah Reed kan ein ta med eit blad og få avtrykket av det i ein kopp.
- Alle kunstnarane har opna, så ein kan også få vite og sjå meir av produksjonen som foregår.
Kunstnarane som går saman om open torsdag på USF er:
- Anne Knutsen: Billedkunstner og tekstildesigner
- Kristin Selboskar: Smykker
- Gro Aakenes Sævig: Klede-tekstil
- Beda Maria Johanson: Glass
Neste open dag på kaien ved USF Verftet er 17. juni.
