-
KAMUFLERT: Dette hyttebygget eller skuret i Fitjarøyane fanga politiet og byggjesaksmyndet si spesielle interesse under strandsoneaksjonen i 2008. ARKIVFOTO: Odd E. Nerbø
Må rive ned hytta
For første gong i Norge er ein hytteeigar dømt til å rive hytta si.
Mannen som sto tiltalt etter plan- og bygningslova, nekta straffeskuld for at han ulovleg har bygt og brukt ei hytte og eit kaianlegg på eigedommen sin på Teistholmen i Fitjar.
Les også
Men han blei dømt 30. oktober i fjor. Mannen anka dommen på grunn av at han meinte Fitjar kommune si sakshandsaming var feil.
No er anken trekt. Dermed er dommen rettskraftig.
Det har aldri tidlegare blitt gitt dom for eit borgarleg rettskrav om riving i ei straffesak etter plan- og bygningslova.
Eit borgarleg rettskrav er eit sivilrettsleg krav teke opp i ei straffesak. I denne saka tyder det at domstolen har teke stilling til om den ulovleg oppførte bygningen skal rivast eller ikkje.
- Sjølv om han hadde vunne fram, ville han berre vore attende på nullpunktet. Då kunne Fitjar likevel ha kravd at han skulle rive. Derfor ville han ikkje bruke tid og ressursar på ein anke, seier forsvarar Frode Skogvold.
Byggjetiltak i Fitjar-øyane blir vurdert ekstra strengt fordi det er både strandsone, LNF-område (landbruk, natur, fritid) og er tillagt særskilde, nasjonale verdiar.
Les også
Første prøvestein
Hyttebygginga på Teistholmen var eitt av fire politimelde strandsonesaker etter ein hemmeleg aksjon 14. og 15. april 2008. Politiet, Fitjar kommune, Kystvakten og Fylkesmannen deltok, med media på slep, og avslørte rundt 20 byggjeforhold som blei vurdert som ulovlege.
Andre saker har blitt avgjort med bøter. To saker har så langt vore handsama av tingretten.
I dommen blei tiltalte dømt til å betale ei bot på kr. 80.000, sakskostnader til kommunen med kr. 18.000 og sakskostnader til det offentlege med kr. 5000. I tillegg blei han dømt til å «tilbakeføra, det vil seie riva, og fjerna materialar, av skur/uthus/utedo/hytte og terrasse.»
- Framleis skuffa
- No vil han ta kontakt med Fitjar kommune om korleis saka skal løysast i praksis, seier Skogvold.
Han legg til at hytteeigaren framleis er skuffa over Fitjar si sakshandsaming.
Les også
Synspunkt? Sei meininga di.
Siste fra Bolig
Relaterte bilder
KAMOHYTTE: - Snakk om kamuflasje, utbraut politiet då dei fann denne hytta under «Operasjon strandsone» i Fitjar. Hytteeigaren er no dømt. ARKIVFOTO: Odd E. Nerbø
