- Eg er svært historieinteressert og brenn for å ta vare på detaljane, fortel eigar Jan Ramstad.

Han går vidare inn i ein av salane i huset viser eit rundt merke midt i stavparketten.

- Her var det ei klokke som Johannesen ringde med når maten skulle serverast.

Ny drakt
I 2010 vart huset pussa opp. Det vart lagt stavparkett i deler av huset, nye tapetar og nye lysekroner kom til.

- Me vil gjerne føra huset tilbake til 20-talet stilmessig, men samtidig gjera det lysare og aktuelt for samtida, seier Lene Stien i Bergen Event. Selskapet står i dag for drifta av Villa Skjoldnes.

I samband med oppgraderinga i fjor fekk Villa Skjoldnes også sitt eige kjøkken.

Vinkjellar
I kjellaren er det også innreidd ein heilt ny vinkjellar, der det blir arrangert vinkveldar og andre selskap.

- Steinen i bogegangane er handplukka, mykje av den frå nærområdet, fortel Jan Ramstad.

- Eg er glad i dette huset og vil det skal leve vidare. Eg vil også gjerne at det skal vera spor etter mi tid her, seier Ramstad.