• Sjå fleire bilete i vindauget ovanfor!

Neste veke byr dei seg fram på den viktigaste møteplassen for nordisk design, Stockholm Furniture and Light Fair, slik bachelorstudentar ved Kunsthøgskulen i Bergen har gjort dei åtte siste åra.

Alle dreg dei med håpet om at deira produkt skal bli lagt merke til, aller helst av ein produsent som fell i stavar, og som berre må setja dette møbelet i produksjon.

Det har nemleg skjedd før, og det kan skje igjen.

Årets studentar søkjer definitivt ikkje møbellukka ved hjelp av ellevill galskap. I staden satsar dei på det solide, på nøkterne former, på varige materialar og lyst treverk.

Arbeida som skal på utstilling, er fullskala prototypar som studentane har laga, hovudsakleg i verkstadane til kunsthøgskulen.