Ordleik på wordfeud

Folk leikar seg med ord på wordfeud. Ordleiken på mobil og brett breier seg.

Vi undrar på kva dette har å seie for språkinteressa og korleis bruken av sosiale medier verkar inn på språket?

Les også

Slik blir du best i Wordfeud

Y er Gud, W er livsfarlig og J er møkk. Les ekspertenes beste Wordfeud-tips.

- All språkleik er bra

- Kva meiner du om wordfeud?

- Eg har ikkje nok kunnskap om dette spelet til å seie korleis det verkar inn på språket. Generelt meiner eg alt som har med språkproduksjon å gjera, har positiv innverknad på språket. All språkleik som stimulerer til kreativitet, er bra, seier professor Gunnstein Akselberg ved Nordisk Institutt ved Universitetet i Bergen, til bt.no.

Den norske versjonen av Wordfeud godtek mange ord som ikkje er i dagleg tale, medan gode nynorskord ikkje vert akseptert.

Her er nokre triks du kan nytta i den digitale ordkrigen på wordfeud.

Det er betre at fleire er skriftleg aktive, enn at dei skriv korrekt norsk.

- No skriv folk som aldri før

- Mobil- og chattespråket følgjer ikkje normalen for korkje nynorsk eller bokmål. Det viktige er at det har fått fleire til å skriva. Om du tenkjer deg tilbake til tida før datamaskiner og mobiltelefonen, var det mange som var lite aktive på skriftleg kommunikasjon. No skriv folk som aldri før, seier Akselberg.

Han viser til at ikkje minst ungdom no skriv mykje meir enn før. Før skreiv mange berre private brev og når dei måtte av formelle grunnar. Endringa i teknologien har mobilisert store grupper av nye skrivande.

-  Einskilde er skeptiske til kva dette gjer med rettskrivingen?

- Ja, det kan eg forstå. Ein må vega mot kvarandre. På den eine sida det at fleire er aktive, produktive og skapande skrivande. På den andre sida at dei ikkje følgjer dei skriftlege retningslinene for språket. Eg meiner det veg tyngst at stadig fleire er aktivt skrivande, seier professor Akselberg.

- Hevar statusen på talemålet

- Når folk skriv i sosiale medier, skriv dei eit skriftspråk som ligg tett opp til den geodialekten eller sosiolekten dei har. Det at ein bruker dialektbasert skriftspråk, kan vera med på å heva statusen på talemålet, meiner Akselberg.

Er du einig med Akselberg? Skriv di meining i feltet under.