Sjanger-koldtbord

Den ungeskredderen Eva er lei av å sy standardiserte brudekjolar for cubanske myndigheiter. Ho er óg lei av sin late arkitektkjærast, og søkjer større draumar som motedesigner. Då ho ein dag møter Jorge, ein verdsbereist fotograf, vert ho bergteken. Plutseleg er ho nødt til å velgje mellom to menn — det gamle Cuba, og nye utsikter til verda.

Dersom du meinar du har høyrt dette filmsamandraget før, så har du heilt rett. «Habana Eva» - som merkeleg nok heiter «Eva Habana» opprinneleg - er ein lite original idé satt til eit cubansk bakteppe. Eva må velje mellom to menn av ulik klasse - den eine ein handtverkar frå fattige kår, den andre ein ein rik venezueler med den einaste bilen i mils omkrins som er frå denne sida av årtusenet. Desse to representerar naturleg nok kvar si side av det cubanske samfunnet, som verkar å vere filmens arnepunkt. For kva side bør cubanarar velje?

Med unntakav hovudrolleinnehavar Prakriti Maduro verkar det som dei fleste skodespelarane er tekne direkte frå lokale såpeseriar. Overspeling og medfølgjande fakter pregar det meste av filmen.

Manuset for «Habana Eva» står oppført med fire manusforfattarar. Om det er dette som er årsaken til at nokre av filmens scener ikkje verkar som dei er i same filmunivers kan eg ikkje vite, men det verkar logisk. Nokre scener er frå ei farse, nokre scener er dramatiske, hjarteskjér-ande drama, medan andre scener igjen er som tekne frå parfymereklamar. Dette vert ytterlegare forsterka av varierande skodespelarferdigheiter.

Dog, i to tredelar av filmen har du hovudsakleg spikra ein kva som helst verdsleg romantisk dramakomedie satt i eit eksotisk miljø. Mot slutten derimot, sirklar historia ut i merkelege tvistar som blant anna inkluderar spøkelser og to grønhuda tanter. Eg seier ikkje meir. Regissør Fina Torres har ikkje klart å skape eit heilheitleg univers, og «Habana Eva» står igjen som avrivne delar frå ei rekke filmidear.

Eva sittvalg er kanskje ikkje så enkelt, men for deg burde valget vere lett. Du skal nemleg vere ganske forelska i Cuba for å gidde å sjå denne filmen.

Einig med vår anmeldar? Sei di mening her!