Syn og Segn til topps

Ramma rundt tildelinga av prisen var bokmessa i Helsingsfors. Ein uavhengig nordisk fagjury hadde sett seg ut Syn og Segn som vinnar, opplyser redaktøren av bladet, Bente Riise, i ei pressemelding.

Det var Bente Riise sjølv som tok i mot prisen, som vart utdelt av den finske forfattaren Monika Fagerholm frå fagjuryen.

I grunngjevinga til juryen heiter det at Syn og Segn er eit moderne og aktuelt tidsskrift i beste tyding av ordet. Det inneheld interessante, velskrivne, grundige og personlege artiklar, og tiddskriftet har stor breidd både i sjanger og tema.

Vinnar i fjor var det norske tidsskriftet Vinduet.