- Kanskje eg skal skriva ein song i Bergen? Du veit aldri. Tommy Emmanuel (56) frå Australia er ikkje heilt som andre gitarheltar. I staden for å brifa med raske gitarsoloar på elgitar, står han aleine på scena med ikkje meir enn ein akustisk stålstrengsgitar.
- Viss eg skulle koma ut med ein elgitar og spela solo, ville det høyrast litt rart ut utan komp - skjøner du? Den akustiske gitaren er eit fantastisk instrument å bruka for å nå ut til folk - det manglar ingenting. Og stilen eg speler gjer at musikken står fullstendig godt på eigne bein.
Imponerande evner
BT møter Emmanuel bak scena før konserten i London i midten av desember. Han viser villig fram både utstyr, gitarar og fasilitetar, og er til og med litt forvirra over kor tid han eigentleg skal gå på scena.
Med nærare ti millionarvisningar på Youtube, har hans eigen versjon av Arthur Smiths «Guitar Boogie» gjort Emmanuel til både eit internettfenomen og ein helt for gitaristar og andre musikarar verda rundt.
- Eg speler ikkje for å prøva å imponera musikarar. Eg er ute etter å underhalda publikum - gi dei ei ekte, god oppleving. Eg er i underhaldningsbransjen, og det kjem eg aldri til å gløyma.
Sjølv om han ikkje speler for å imponera, er det ikkje til å koma unna at Emmanuel har imponerande musikalske og tekniske evner.
Møter fansen
Det heile byrja då han som åtteåring høyrde gitarlegenden Chet Atkins spela sin karakteristiske fingerpicking-stil på radio. Seinare fekk Emmanuel spela med Atkins, før han gjekk bort i 2001.
- Eg prøver berre å skriva den beste musikken eg kan, og å visa den yngre generasjonen at du kan gå din eigen veg. Det er ein måte for meg å visa dei ein veg å gå. Det handlar om integriteten din og kvaliteten på det du gjer, seier han.
Med ein bakgrunnsom trommis i tillegg til å vera gitarist, er ikkje Emmanuel framand for å få fram dei perkussive sidene ved gitaren. Musikaren har òg vunne prisar som amerikanske Country Music Awards «Global Country Artist of the Year 2011», og «Guitar Legend Award» i prestisjetunge Guitar Player Magazine.
Likevel er han ikkje i tvil om at han vil møta fansen. Gjennom heimesida hans, kan du melda deg på for å få møta han før konserten i Bergen.
Inspirasjonen til låtskrivinga hentar han frå alle moglege stader, seier han sjølv.
- Folk eg møter, ting eg ser. Blant anna var eg og spelte for Navaho-folket i USA, og høyrde høvdingen spela fløyte. Eg blei full av idear med ein gong, og gjekk rett i garderoben og skreiv ein song i løpet av fem minutt. Om eg ikkje hadde reist dit, hadde eg kanskje aldri skrive den songen, seier han.
