Dansnät Sverige inviterer kvar sesong fire kompani frå både Sverige og utlandet til å opptre på dei ulike arenaene rundt om i landet.
- Vi har valt Carte Blanche denne gongen av di vi synest dei er interessante kunstnarisk, seier Åsa Westman i Dansnät Sverige.
Det bergensbaserte dansekompaniet har brukt dei siste åra til å bygge opp eit skikkeleg publikumsgrunnlag lokalt etter fleire år der publikum svikta. Då Arne Fagerholt tok over som kunstnarisk leirar i 2001, sa styret klart frå at kompaniet ikkje skulle bruke midlar på utanlandsmarkering så lenge resultatet var dårleg på heimebane. Først i fjor prøvde dei seg på nytt i utlandet, med oppsetjingar i Stockholm, Malmö og København. Det har difor høg verdi for kompaniet at dei blir inviterte på denne måten.
- Vi treng ikkje å skunde oss, men det handlar om å bygge opp eit nettverk som kan bli brukbart. Vi passar på å vende oss til dei som finn uttrykket vårt interessant, seier Fagerholt.
Til mini-turnéen i Sverige har dei valt eit reint israelsk program, men dette plagar ikkje dei svenske turnéarrangørane.
- Det er kompaniet i seg sjølv som er interessant, ikkje at dei er norske, slår Åsa Westman fast.
Bruce Springsteen sparket i gang europaturneen i et sydende Sevilla søndag kveld. Og «The Boss» bekrefter at han gjerne deltar på Utøya-markeringen hvis han blir spurt.
Gunnar Aasbø skulle hjem fra byen, og skulle betale med KontantSkyss-kortet sitt. Vekterne nektet. Det endte med at han ble påsatt håndjern og tatt med av politiet.
